Aýa raıy
Astana 13 °S
Almaty 14 °S
valıýta baǵamy
USD 412.55
EUR 468.66
RUB 5.79
CNY 58.80

Býrabaı aýdanynda jumyspen qamtý tıimdi júrgizilýde

2020 jyldyń 14 tamyz 2020 04:22

KÓKShETAÝ. QazAqparat – Býrabaı aýdanynda «Jumyspen qamtýdyń jol kartasy 2020 – 2021» baǵdarlamasy sheńberinde 410 adam jumysqa ornalastyryldy, dep habarlaıdy QazAqparat tilshisi.

Býrabaı aýdandyq eńbekpen qamtý ortalyǵy mamandarynyń málimeti boıynsha, aýdanda «Jumyspen qamtýdyń jol kartasy 2020 – 2021» baǵdarlamasy sátti júzege asyrylýda. Búginde ortalyq qajetti bilikti mamandardy iriktep, olardy jumys berýshilerge jiberedi. Baǵdarlamanyń japaǵatyn kórip, eki qolǵa bir kúrek tapqan jandardyń biri – Rústem Aıdanov.

34 jastaǵy jigit probatsııa qyzmeti bóliminde esepte turǵan. Atalmysh mekeme ony 2020 jyldyń 12 mamyrynda Býrabaı aýdandyq jumyspen qamtý bólimine jibergen. Ondaǵylar Rýstemdi «Jumyspen qamtýdyń jol kartasy 2020 – 2021» baǵdarlamasy arqyly «PSK Kókshetaý qurylys» JShS qurylysshy retinde ýaqytsha jumysqa ornalastyrypty.

Qazirgi kezde, atalmysh kompanııa ýche qalasyndaǵy №6 orta mektepte kúrdeli jumystaryn júrgizýde.

«Qazirgi kezde men qurylys alańynda mektep ǵımaratynyń shtyryn jabýmen aınalysamyn. Bul men úshin úlken jaýapkershilik», - deıdi Rústem Aıdanov.


Joǵary qaraı