Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bul naýqan Jańa Qazaqstan qurý jolyndaǵy alǵashqy naqty ári batyl qadam - Májilis depýtattary

2022 jyldyń 14 mamyr 2022 00:46

KÓKShETAÝ. QazAqparat - Ata Zańymyzǵa engizletin ózgeristerde barsha qazaqstandyqtardyń oı-pikiri eskeriledi. Bul týraly Aqmola oblysyn aralap júrgen depýtattar aıtty, dep habarlaıdy QazAqparat.

Depýtattar Asqarbek Úısimbaev, ıÝlııa Kýchınskaıa, Mádı Elýbaev Býrabaı aýdanynyń Kindikqaraǵaı aýylyndaǵy sút-taýarly fermasynyń eńbek ujymymen kezdesti. Halyq qalaýlylarynyń aıtýynsha, bul naýqan - «Jańa Qazaqstan» qurý jolyndaǵy alǵashqy naqty ári batyl qadam. Óıtkeni, memlekettik qurlystyń quqyqtyq negizin quraıtyn Ata Zańymyzǵa engizletin ózgerister halyq talqysyna shyǵarylyp, barsha qazaqstandyqtardyń oı-pikirin eskere otyryp, qabyldanǵaly otyr.

«Biz bolashaq damý jolymyzdy búkil el bolyp birlese sheshkeli otrymyz. Bul qadam el erteńi úshin árbir azamattyń oı-pikiriniń qanshalyqty mańyzdy ekenin, jańa memleket qurýda óziniń de úles salmaǵy baryn sezinýge múmkindik beredi. Sondyqtan ortaq umtylysymyzdyń nátıjeli bolatynyna esh kúmán joq», – dedi depýtat Asqarbek Úısimbaev.

Depýtattar ózgeretin 33 baptyń árqaısyna toqtalyp, ásirese, Prezıdent pen Parlament ókilettigindegi jańashyldyqtarǵa aıryqsha nazar aýdardy.

Óz kezeginde, kezdesýge qatysqan ferma qyzmetkerleri referendýmdy qoldaıtyndyqtaryn aıtty.

«Biz Prezıdentimizdiń «Jańa Qazaqstan» qurý baǵytyndaǵy barlyq bastamalaryn bilemiz. Búgin osy taqyryp tóńireginde mazmundy ári áserli áńgime boldy. Biz shaǵyn ujym bolsaq ta referendýmǵa atsalysyp, daýys beremiz. Prezıdentti qoldaımyz», – dedi mal dárigeri Beısenbaı Ahmetov.


Basty sózder: Aqmola oblysy, Májilis, Depýtat,
Joǵary qaraı