Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Buqtyrmadaǵy demalys bazasynan shyqqan órt ormanǵa jaıylyp kete jazdady

2021 jyldyń 23 qyrkúıek 2021 19:38

ÓSKEMEN. QazAqparat – Shyǵys Qazaqstan oblysy Altaı aýdanynda Buqtyrma kentindegi demalys bazasynda shyqqan órt ormanǵa jaıylyp kete jazdady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Altaı aýdany Jańa Buqtyrma kentinde ornalasqan demalys bazalarynyń birinen órt shyqqan. Belgili bolǵandaı, 2 qabatty aǵash úı otqa orandy.

Úı ıeleri qyzyl jalyndy óz betterimen sóndirýge tyrysqan. Alaıda odan túk shyqpaǵandyqtan órt sóndirýshilerge qońyraý shalyp, kómek surady.

«Qutqarýshylar sol jerge kelgen kezde tilsiz jaý úıge tolyqtaı jaıylyp ketken. Jalpy aýdany 60 sharshy metrdi quraǵan ot qabyrǵalardy, shatyrdy, tereze men esik bloktaryn, jıhazdy, turmystyq tehnıkany jáne jeke zattardy sharpydy. Sondaı-aq órttiń jaqyn mańdaǵy úılerge jáne ormanǵa jaıylyp ketý qaýip tóndi», - dep habarlady vedomstvo ókilderi.

Órt sóndirýshiler jalynnyń ary qaraı taralýyna jol bermeı, tolyqtaı aýyzdyqtady. Órtpen kúreske barlyǵy 22 adam men 4 tehnıka jumyldyrylǵan.





Joǵary qaraı