Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Búginnen bastap zeınetaqy jınaǵyn paıdalanýǵa arnalǵan jetkilikti shektiń kólemi ósti

2022 jyldyń 1 sáýir 2022 11:12

NUR-SULTAN. QazAqparat – 1 sáýirden bastap Qazaqstanda zeınetaqy qarajatynyń bir bóligin merziminen buryn paıdalaný úshin eń tómengi jetkilikti shegi ósti, dep habarlaıdy QazAqparat tilshisi.

Ár jastaǵy adam úshin zeınetaqy jınaqtarynyń eń tómengi jetkilikti shegi týraly aqparat Biryńǵaı jınaqtaýshy zeınetaqy qorynyń saıtynda kórsetilgen.

Jetkilikti mejeniń jańa deńgeıin enpf.kz saıtyndaǵy jeke kabınette nemese BJZQ-nyń mobıldi qosymshasynda tanysýǵa bolady. Osy oraıda onlaın rejımde zeınetaqy jınaqtary boıynsha tolyq aqparatty alý múmkindigi bar.

Atap aıtqanda, zeınetaqy jınaqtaryn paıdalaný maqsattary ózgermegen. Qarajatty turǵyn úı jaǵdaıyn jaqsartýǵa jáne em-dom alýǵa jumsaýǵa bolady.

Buǵan deıin Prezıdent Qasym-Jomart Toqaevtyń tapsyrmasyn oraı 2021 jylǵa eseptelgen tómengi jetkiliktilik shegin qoldaný merzimi 2022 jyldyń 1 sáýirine deıin uzartylǵan edi.

Eske sala keteıik, áleýmettik jelide QR Parlamenti Májilisiniń depýtaty Amanjan Jamalov Úkimetti zeınetaqy jınaqtarynyń eń tómengi jetkilikti shegin qoldaný merzimin 2022 jyldyń sońyna deıin uzartýǵa shaqyrdy.

«Kúrdeli ekonomıkalyq jáne áleýmettik jaǵdaıdy eskere otyryp, «AMANAT» partııasy janyndaǵy Ekonomıka, kásipkerlik jáne agrarlyq sektor máseleleri jónindegi respýblıkalyq qoǵamdyq keńestiń Tóraǵasy retinde Úkimetti zeınetaqy jınaqtary eń tómen jetkiliktiliginiń aǵymdaǵy shekteriniń qoldanylý merzimin 2022 jyldyń sońyna deıin uzartýǵa shaqyramyn», - dep jazdy depýtat.





Joǵary qaraı