Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Búgingi kúnge deıin «Qazaqstan halqyna» qoryna qansha qarajat tústi

2022 jyldyń 17 qańtar 2022 13:56

NUR-SULTAN. QazAqparat - «Qazaqstan halqyna» qory qazaqstandyqtarǵa kórsetken qoldaýy úshin alǵys aıtty, dep habarlaıdy QazAqparat.

«Qazaqstan halqyna» qoǵamdyq qory Memleket basshysy Qasym-Jomart Toqaevtyń densaýlyq saqtaý, bilim, áleýmettik sala, mádenıet jáne sport salalaryndaǵy naqty máselelerdi sheshý jónindegi bastamasyn qoldaǵan barlyq qazaqstandyqtarǵa, iri kásiporyndarǵa, eńbek ujymdaryna alǵys aıtty.

17 qańtar kúni tańerteń qoǵamdyq qorǵa 6 519 qazaqstandyqtan 10.1 mln teńge tústi.

«Qazaqstan halqyna» qory arqyly qaıyrymdylyqqa «Kaspibank» AQ jáne onyń quryltaıshylary Vıacheslav Kım men Mıhaıl Lomtadze – 10 mlrd teńge, «Halyq» qaıyrymdylyq qory» JQ - 2 mlrd teńge, «Stepnogor taý-ken hımııa kombınaty» JShS - 350 mln teńge jáne basqa da zańdy tulǵalar eleýli úles qosty.

Jalpy, zańdy tulǵalardan 12.36 mlrd teńge tústi.

«Qazaqstan Respýblıkasynyń Premer-Mınıstri A.Á. Smaıylovqa jáne QR Premer-Mınıstri Keńsesiniń, QR Prezıdenti Ákimshiliginiń jáne basqa da memlekettik jáne jeke uıymdardyń qyzmetkerlerine bir kúndik jalaqyny aýdarý arqyly qorǵa qoldaý kórsetkeni úshin alǵys aıtamyz» delingen qor taratqan málimette.

Qor basshylyǵy alynǵan barlyq qarjy qarajatynyń tolyq ashyqtyǵy men eseptiligi qamtamasyz etedi.

Aqsha Qazaqstan halqynyń ıgiligine, densaýlyq saqtaý, áleýmettik sala, bilim berý, mádenıet jáne sport problemalaryn sheshýge baǵyttalatyn bolady.

Qor orfandyq jáne basqa da aýrýlary bar, halyqtyń áleýmettik osal toptaryna muqtaj balalarǵa, qaza tapqan áskerı qyzmetkerlerdiń, quqyq qorǵaý jáne arnaıy organdar qyzmetkerleriniń otbasylaryna, sondaı-aq basqa da qaıyrymdylyq maqsattarǵa qoldaý kórsetedi.

Bıznes-qoǵamdastyq ókilderi, metsenattar jáne janashyr azamattar «Qazaqstan halqyna» qorynyń shotyna kelesi derektemelerdiń biri boıynsha qarajat aýdara alady:

- «Qazaqstan halqyna» qoǵamdyq qory, JSN/BSN: 220140006999, Kbe 18, KZ97601A871001692501 KZT, «Qazaqstan halyq banki» AQ;

- «Qazaqstan halqyna» qoǵamdyq qory, JSN/BSN: 220140006999, Kbe 18, KZ52722S000011856768 KZT, «Kaspi Bank» AQ.

Joǵary qaraı