Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Búgin UQShU Qazaqstannan bitimgerlerdi shyǵarýdy bastaıdy

2022 jyldyń 13 qańtar 2022 09:33

NUR-SULTAN. QazAqparat - Búgin Ujymdyq qaýipsizdik týraly shart uıymy (UQShU) Qazaqstannan bitimgerlerdi shyǵarýdy bastaıdy, dep habarlaıdy QazAqparat Almaty tragedııasy Telegram kanalyna silteme jasap.

«Uıymnyń Bas hatshysy Stanıslav Zas 10 kún ishinde uıym kontıngenti Qazaqstannan túgeldeı ketetinin málim etti. Bitimgerlerdiń jalpy sany 2500 adam»,-delingen habarlamada.

Aıta keteıik, Memleket basshysy Qasym-Jomart Toqaev 11 qańtar kúni Parlament palatalarynyń birlesken otyrysynda Ujymdyq qaýipsizdik týraly shart uıymynyń jumysyna erekshe toqtalyp ótken bolatyn.

«Bul uıym ujymdyq qaýipsizdik máselelerimen aınalysady. Qazaqstan – onyń tolyqqandy quryltaıshysynyń biri. Osy uıymnyń barlyq múshelerinen jasaqtalǵan bitimgershilik kontıngenti Qazaqstanǵa ýaqytsha merzimge ǵana keldi. Oǵan júktelgen mindetter naqty aıqyndalǵan. Bul – strategııalyq nysandardy kúzetý jáne aqyl-keńes berip, qoldaý kórsetý. Lańkesterge qarsy operatsııany tolyǵymen Qazaqstannyń kúshtik qurylymdary júzege asyrýda. Shyn máninde, solardyń jankeshti is-áreketiniń arqasynda tóńkeriske jol berilgen joq»,-dedi Prezıdent.


Joǵary qaraı