Aýa raıy
Astana -11 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Búgin Nur-Sultanda terrorızmge qarsy oqý-jattyǵý ótedi

2020 jyldyń 24 qazan 2020 09:40

NUR-SULTAN. QazAqparat – Búgin Nur-Sultan qalasynda terrorızmge qarsy oqý-jattyǵýlar ótedi, dep habarlaıdy QazAqparat.

«Elordalyq terrorızmge qarsy kúres jedel shtaby osy jyldyń 24 qazanynda saǵat 08.00-den 13.00-ge deıin «Astana Sý Arnasy» MKK stantsııasynyń aýmaǵynda (Jansúgiruly kóshesi,7) «Nur-Sultan - Antıterror-2020» terrorızmge qarsy josparly oqý-jattyǵýyn ótkizýdi josparlap otyr», - dedi qalalyq terrorızmge qarsy kúres jónindegi jedel shtabtan.

Málim etilgendeı, oqý-jattyǵý shynaıy jaǵdaıǵa barynsha jaqyndatylǵan túrde ótedi. Sondaı-aq túrli kúrdeli elementter qoldanylady.

«І.Jansúgiruly kóshesinen Sh.Qudaıberdiuly kóshesine deıingi sorǵy-súzý stantsııasy aýdanynda avtokólik qozǵalysy boıynsha shekteý sharalary qarastyrylǵan.
Osyǵan baılanysty, azamattardy ótkiziletin oqý-jattyǵýǵa túsinistikpen qarap, qaýipsizdik sharalaryn saqtaýǵa jáne memlekettik organdar qyzmetshileriniń zańdy talaptaryn oryndaýǵa shaqyramyz», - delingen shtab aqparatynda.
Oqý-jattyǵý maqsaty – tynys-tirshilikti qamtamasyz etý obektisinde terrorızmmen kúres boıynsha praktıkalyq daǵdylardy pysyqtaý.

Joǵary qaraı