Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin – muǵalimder kúni

2021 jyldyń 3 qazan 2021 07:30

NUR-SULTAN. QazAqparat – Qazannyń alǵashqy jeksenbisi – Qazaqstanda muǵalimder kúni. Bul – bilim berý salasynyń mamandaryna ortaq mereke, dep habarlaıdy QazAqparat tilshisi.

«Alty alashtyń basy qosylsa, tór – muǵalimdiki» degen Maǵjan Jumabaevtyń qanatty sózi búginde ózektiligin joǵaltqan joq. Onyń dáleli – elimizde «Pedagog mártebesi týraly» Zańnyń qabyldanyp, qoldanysqa sátti enýi. Qujat 21 baptan turady. Ol baptar 500 myńnan astam pedagogtiń kásibı quqyǵy men mindetterin aıqyndaıdy.

Jalpy, muǵalimder merekesi halyqyralyq deńgeıde 1994 jyly ıÝNESKO sheshiminen bekitilgen.

Táýelsiz Qazaqstan ustazdar kúnin KSRO quramynan birge shyqqan Ázerbaıjan, Ýkraına, Qyrǵyzstan, Latvııa, Belarýs sııaqty qazan aıynyń alǵashqy jeksenbisinde atap ótip keledi.

1 qyrkúıektegi málimet boıynsha, bıylǵy oqý jylynda 3,6 mln oqýshyǵa elimizde 367,7 myń muǵalim bilim beredi. Onyń ishinde 12 myńnan astam muǵalim eńbek jolyn bıyl ǵana bastaǵan.


Avtor Esimjan Naqtybaı
Basty sózder: Bilim, muǵalim,
Joǵary qaraı