Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Búgin - Qutqarýshylar kúni

2020 jyldyń 19 qazan 2020 07:40

NUR-SULTAN. QazAqparat - Qutqarýshylar kúni Qazaqstanda jyl saıyn 19 qazanda atap ótiledi. Bul ataýly kúnniń bekitilýi elimizde Tótenshe jaǵdaılar jónindegi ortalyq memlekettik komıtettiń qurylýymen baılanysty.

Qazaqstan Respýblıkasynyń Tuńǵysh Prezıdenti - Elbasy N.Á. Nazarbaev 1995 jylǵy 19 qazanda tótenshe jaǵdaılar jáne Azamattyq qorǵanys salasyndaǵy ýákiletti ortalyq atqarýshy organdy qurý týraly Jarlyqqa qol qoıdy. Bul tótenshe jaǵdaılardy aldyn alý jáne olardy joıýdyń tıimdi júıesin qurý isindegi sheshýshi sát boldy.

Mine, 25 jyldan beri elimizdiń qutqarýshylary men órt sóndirýshileri halyqtyń qaýipsizdigin saqtaýǵa kúsh salyp keledi. Olar kez-kelgen sátte kómek kelýge daıyn. Osy jyldar ishinde Qazaqstanda tótenshe jaǵdaılardyń aldyn alý jáne joıý boıynsha tıimdi júıe quryldy. Tájirıbe jınaqtaldy jáne tehnıkalyq jaǵynan oıdaǵydaı jabdyqtaldy. Búginde azamattyq qorǵanys salasynda elimiz boıynsha kóptegen adamdar eńbek etýde.

Qutqarýshy - bul ómir súrý salty. Bul qashanda erlik jasaýǵa, ózin qurban etýge daıyn bolý. Qutqarýshy mamandyǵyn tek batyl adamdar ǵana tańdaıdy.

Eske sala ketsek, QR Prezıdenti Qasym-Jomart Toqaevtyń Jarlyǵymen elimizde burynǵy komıtet negizinde Tótenshe jaǵdaılar mınıstrligi qurylǵan bolatyn.
Joǵary qaraı