Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Búgin Qaraǵandyda birneshe qalaaralyq avtobýs jolǵa shyqpady

2021 jyldyń 28 qazan 2021 13:31

QARAǴANDY. QazAqparat – Búgin tańerteń Qaraǵandydan jeti baǵyt boıynsha qalaaralyq avtobýstar jolǵa shyqpady. Oblys ákimdiginde atalmysh jaǵdaıǵa túsinik berdi, dep habarlaıdy QazAqparat tilshisi.

Búgin tańerteń qaraǵandylyqtar qalaaralyq avtobýstardyń bolmaýyna qatysty narazylyq bildirdi.

Oblys ákimdiginde habarlaǵandaı, jolǵa №3 avtoparktiń 7 baǵyt boıynsha avtobýstary shyqpaǵan.

Ol - Qaraǵandy-Temirtaý, Qaraǵandy-Saran, Qaraǵandy-Abaı, Qaraǵandy-Shahtınsk, Qaraǵandy-Shahan, Qaraǵandy-Topar, Qaraǵandy-Egindibulaq baǵyttaryndaǵy jolaýshy kólikteri.

«Qazirgi tańda jolaýshylar kóligi jáne avtomobıl joldary basqarmasy avtopark basshylyǵymen kelissóz júrgizip, qosymsha sýbsıdııa bólý máselesin talqylap jatyr. Qorytyndysy qosymsha habarlanady. Tasymaldaýdy toqtatý aldyn ala kelisilmegen jáne memlekettik organdarǵa bul týraly der kezinde habarlanbaǵanyn atap ótken jón», - dep habarlady Qaraǵandy oblysy ákiminiń baspasóz qyzmeti.


Joǵary qaraı