Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Brıtanııaǵa «Arven» daýyly jaqyndap qaldy

2021 jyldyń 26 qarasha 2021 22:10

NUR-SULTAN. QazAqparat - Ulybrıtanııanyń birneshe aýdandary jaqyndap kele jatqan «Arven» daýyly saldarynan qaýiptiń qyzyl (eń joǵary) deńgeıin jarııalady. Keı jerlerde jeldiń jyldamdyǵy saǵatyna 160 shaqyrymǵa jetýi yqtımal, dep habarlaıdy QazAqparat BBC-ge silteme jasap.

Tabıǵı apat osy demalys kúnderi negizinen Anglııa men Shotlandııanyń soltústik-shyǵysynda bolady dep kútilýde. Bılik bul aýdandardyń turǵyndarynan aldaǵy kúnderge josparlanǵan saparlaryn keıinge qaldyrýdy, sondaı-aq qarttar men kórshilerge erekshe kóńil bólýdi suraıdy. Jaǵalaýdaǵy qalalarda arnaıy qaýipsizdik sharalaryn qoldaný usynyldy.

Meteorologııalyq qyzmet ókiliniń aıtýynsha, ondaǵy tolqyndar 9-10 metrge deıin jetýi múmkin, sondyqtan teńiz jaǵasynda serýendeýdi keıinge qaldyrý kerek. Ortalyq Anglııada qyzǵylt sary (ortasha) qaýiptilik reıtıngi bar. Anglııa, Ýels jáne Soltústik Irlandııanyń ońtústik-batysynda – sary (eń tómengi). Degenmen, sınoptıkter Birikken Koroldikte kólik qozǵalysynyń toqtaýy, elektr qýatynyń úzilýi, telefon jáne uıaly baılanystyń isten shyǵýy múmkin ekendigin eskertedi. Aldaǵy demalys kúnderi eldiń kóptegen jerlerinde Rojdestvolyq festıvalder men bazarlar toqtatyldy. Aýa temperatýrasy da jyldyń osy ýaqytynda ádettegiden sýyq, ıaǵnı túnde nólden tómen, kúndiz Tselsıı boıynsha nebári 10 gradýsqa taıaý bolmaq

Bul bıyl Arven ataýyna ıe bolǵan daýyl – Ulybrıtanııadaǵy alǵashqysy. Ádette ataýlar belgili bir joıqyn kúshtiń tsıklondaryna beriledi.

Basty sózder: Oqıǵa, Eýropa, Álem,
Joǵary qaraı