Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Brekeshev kómirtegi beıtaraptylyǵyna qol jetkizýdiń 2 stsenarııin atady

2021 jyldyń 13 qazan 2021 19:23

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev kómirtegi beıtaraptylyǵyna qol jetkizýdiń 2 stsenarııin atady, dep habarlaıdy QazAqparat tilishsi.

Mınıstr «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasy barysynda elimizde kómirtegi beıtaraptylyǵyna qol jetkizýdiń eki stsenarıı ázirlengenin atap ótti.

«Bazalyq jáne kómirtegi beıtaraptylyǵy stsenarııi. Bazalyq stsenarıı – bul kómirteksizdendirý boıynsha aıtarlyqtaı tehnologııalyq ózgeristerdiń bolmaýy nemese saıası is-sharalary kezinde jol. Modeldeý nátıjelerine sáıkes, bul ekonomıka ósiminiń boljamdy kórsetkishterine qol jetkizýge múmkindik bermeıdi. Bul ekonomıkaǵa titirkendirgish áser bolýy múmkin 3 faktormen baılanysty. Birinshisi – Eýropalyq odaqtyń, sonymen qatar Qazaqstannyń ózge de iri saýda seriktesteriniń shekaralyq kómirtegi salyǵyn engizýi. Buǵan qosa, uzaqmerzimdi keleshekte kútiletin energııa resýrstary baǵasynyń tómendeýi jáne klımattyq ózgeristerdiń áseri Halyqaralyq energetıkalyq agenttik boljamynsha aýyl sharýashylyǵyna da teris áserin tıgizedi», - dedi mınıstr.

Onyń atap ótýinshe, kómirtegi beıtaraptylyǵy stsenarııi kmirteksizdendirý boıynsha belsendi kúsh-jigerdi jáne 2060 jylǵa qaraı kómirtegi beıtaraptylyǵyna qol jetkizýdi qamtıdy. Bul stsenarıı bazalyq stsenaırı kezindegi táýekelderden kelýi múmkin shyǵyndardy 2,4 esege qysqartýǵa múmkindik beredi.

«Buǵan qosa, modeldeý nátıjesi 2060 jylǵa qaraı Qazaqstan búkil ekonomıka aýqymynda nóldik shyǵaryndylardyń taza balansyna qol jetkizetindigin kórsetti. Shyǵaryndylardyń basym bóliginen jaltarýǵa múmkindik bolady. Al qalǵan shyǵaryndylar tutylady, saqtalady jáne tikeleı qaınar kózinde paıdalanylady nemese ósimdikter men topyraqqa sińiriledi», - dedi Serikqalı Berekeshev.


Joǵary qaraı