Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Brekeshev: Egin sharýashylyǵyn organıkalyq ádiske tezirek kóshirý qajet

2021 jyldyń 13 qazan 2021 20:06

NUR-SULTAN. QazAqparat – Egin sharýashylyǵyn organıkalyq ádiske tezirek kóshirý qajet. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilishsi.

«Ósimdik sharýashylyǵynda egin sharýashylyǵyn organıkalyq ádiske tezirek kóshirý qajet. Dástúrli ádispen ósirilgen ónimdermen salystyrǵanda organıkalyq azyq-túlik baǵasynyń joǵary bolýyna qaramastan álemdik suranys artyp kele jatyr. Organıkalyq azyq-túlik eksporty salasyna memlekettik qoldaý kórsetý de qajet», - dedi ol «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasy barysynda.

Onyń atap ótýinshe, mal, qus basynyń ósýi de bıogaz qondyrǵylaryn keńinen taratýǵa qatysty is-sharalardy talap etedi.

«Mal men qus basynyń artýy mal sharýashylyǵy qaldyqtaryn qaıta óńdeý úshin bıogaz qondyrǵylarynyń keńinen taratý boıynsha is-sharalardy qabyldaý qajettigin kórsetip otyr», - dedi Serikqalı Brekeshev.


Joǵary qaraı