Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Brakoner» is-sharasy barysynda zańsyz ań aýlaýdyń 1 983 faktisi anyqtaldy

2021 jyldyń 29 qarasha 2021 12:52

NUR-SULTAN. QazAqparat - «Brakoner» is-sharasy barysynda zańsyz ań aýlaýdyń 1 983 faktisi anyqtaldy. Bul týraly QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Іshki ister organdary mindetteriniń biri – tabıǵatty qorǵaý is-sharalaryna qatysý, brakonerlermen kúreste tabıǵatty qorǵaý organdaryna járdemdesý. Negizgi kúsh-jiger ekologııalyq zań buzýshylyqtardyń aldyn alýǵa baǵyttalǵan. Bıologııalyq resýrstar nysandarynyń zańsyz aınalymymen, brakonerlikpen kúresý úshin elimizde qazan men qarasha aılarynda «Brakoner» jedel aldyn alý is-sharasy ótkizildi. Onyń maqsaty - tabıǵatty qorǵaý zańnamasyn buzý jáne tabıǵatty zańsyz paıdalaný faktilerin anyqtaý, sondaı-aq múıiz, et, teri syndy ónimderdi zańsyz satý oryndaryn, onymen aınalysatyn adamdardy anyqtaý», - dedi resmı ókil ІІM baspasóz alańynda ótken brıfıngte.

Onyń atap ótýinshe, operatsııa júrgizilgen aılardyń ishinde polıtsııa qyzmetkerleri 8 myńnan astam ańshylyq jáne balyq aýlaý sharýashylyqtaryn, orman jáne janýarlar dúnıesin qorǵaý memlekettik mekemeleriniń, erekshe qorshalatyn tabıǵat aımaqtaryn tekserip shyqty.

«Іs-sharalardyń nátıjesinde tabıǵatty qorǵaý zańnamasynyń 3,5 myń ret buzylǵany anyqtaldy. Onyń ishinde zańsyz ań aýlaýdyń - 1 983, aǵashtardy zańsyz kesýdiń – 68, zańsyz balyq aýlaýdyń – 747, jabaıy janýarlar men ósimdikterdi zańsyz satyp alý, tasymaldaý áne saqtaýdyń 21 faktisi anyqtaldy», - dedi Nurdildá Oraz.


Joǵary qaraı