Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Boıjetkenniń mazasyn alǵan Petropavl turǵyny qamaýǵa alyndy

2021 jyldyń 21 shilde 2021 15:48

PETROPAVL. QazAqparat – Petropavlda 25 jastaǵy boıjetkenge burynǵy jigiti tynyshtyq bermegen. Sot ony bas bostandyǵynan aıyrdy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl qalalyq polıtsııa basqarmasynyń áıelderdi zorlyq-zombylyqtan qorǵaý tobyna 25 jastaǵy boıjetken júgingen. Ol – jalǵyzbasty ana. Aıtýynsha, burynǵy jigiti 13 shildege qaraǵan túni páteriniń áınegin syndyryp, úıge zańsyz basyp kirgen, janjal shyǵarǵan.

Jigittiń qyzdyń mazasyn alyp, sońyna túskenine biraz ýaqyt bolypty.

Quqyq buzýshy - 24 jastaǵy qala turǵyny buryn sotty bolǵan eken. Oǵan «Usaq buzaqylyq» baby boıynsha materıal jınaldy. Sáýir aıynda jigit atalǵan bap boıynsha basqa bir qyzdyń izine túskeni úshin jaýapqa tartylǵan.

«Sot quqyq buzýshy jyl ótpeı qylmysty qaıtalaǵany úshin 7 táýlikke ákimshilik qamaqqa alý túrindegi jaza taǵaıyndady. Budan bólek, páterge zańsyz basyp kirý faktisi «Turǵyn jaıǵa qolsuǵylmaýshylyqty buzý» baby boıynsha Sotqa deıingi tergep-tekserýlerdiń biryńǵaı tizilimine engizildi.


Joǵary qaraı