Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Bomba qoıyldy»: Shymkent áýejaıynan adamdar evakýatsııalandy

2021 jyldyń 15 jeltoqsan 2021 12:01

ShYMKENT. QazAqparat – Búgin túnde belgisiz bireýler Shymkent áýe aılaǵynyń poshtasyna bomba qoıylǵany týraly hat jibergen, dep habarlaıdy QazAqparat tilshisi.

Áleýmettik jelilerge taraǵan vıdeodan áýejaıdyń barlyq qyzmetkerleri men jolaýshylar qaýipsiz jerge shyǵarylyp jatqanyn kórýge bolady.

«15 jeltoqsan kúni saǵat 02:00-de Shymkent áýejaıynyń elektrondy poshtasyna áýejaı ǵımaratynda bomba qoıylǵandyǵy týraly hat kelip tústi. Barlyq qyzmetterge habarlandy», - delingen QR Indýstrııa jáne ınfraqurylymdyq damý mınıstrliginiń habarlamasynda.

Vedomstvonyń málimetinshe, áýejaı termınalynan adamdar evakýatsııalanǵan.

Polıtsııa men Ulttyq qaýipsizdik komıtetiniń qalalyq departamenti áýejaı qyzmetimen birlesip, arnaıy is-sharalar ótkizgen.

Nátıjesinde, Shymkent áýejaıyna bomba qoıylǵany týraly habarlama jalǵan bolyp shyqty.

Al Kóliktegi polıtsııa departamentiniń baspasóz qyzmeti bul derek Qylmystyq kodekstiń 273-baby «Terrorızm aktisi týraly kórineý jalǵan habarlaý» boıynsha tirkelgenin málim etti.

Ózge aqparat tergeý múddesine sáıkes jarııa etýge jatpaıtyny aıtyldy.



Joǵary qaraı