Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bokstan álem chempıonatynda Alýa Balqybekova shırek fınalǵa shyqty

2022 jyldyń 15 mamyr 2022 00:41

YSTANBUL. QazAqparat - Búgin bokstan áıelder arasyndaǵy álem chempıonatynda Alýa Balqybekova shırek fınalǵa shyqty, dep habarlaıdy QazAqparat tilshisi.

Túrkııanyń Ystanbul qalasynda ótip jatqan álem chempıonatynda Alýa Balqybekova (48 keli) serbııalyq Snejana Sıljkovıchpen qolǵap túıistirdi.

Jekpe-jek barysynda qazaqstandyq boksshy sátti oıyn ótkizdi. Nátıjesinde tóreshiler biraýyzdan Alýanyń jeńisin moıyndady. Ol shırek fınalǵa joldama aldy.

Eske salsaq, budan buryn Karına Ibragımova (57 keli), Valentına Halzova (70 keli) men Gúlsaıa Erjan (81 keli) jarystyń atalǵan satysyna shyqqan bolatyn.

Endi el quramasynan qazaqstandyq Jaına Shekerbekova (52 keli), Dına Jolaman (54 keli) sharshy alańǵa shyǵady.

Al Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli) men Nadejda Rıabets (75 keli) jarys jolynan shyǵyp qaldy.


Avtor Ádiljan Úmbet
Basty sózder: Sport, Boks, Qoǵam,
Joǵary qaraı