Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Búgin úsh qazaqstandyq sharshy alańǵa shyǵady

2021 jyldyń 28 qazan 2021 09:53

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Serik Temirjanov, Abylaıhan Júsipov jáne Nurlan Saparbaı sharshy alańǵa shyǵady, dep habarlaıdy QazAqparat tilshisi.

Kúndizgi sessııada 1/16 fınalda Nurlan Saparbaı (92 keliden joǵary) ıspanııalyq Aıýb Gadfa Drıssımen qolǵap túıistiredi.

Al keshki sessııada Serik Temirjanov (57 keli) 1/16 fınalda japonııalyq Reıto Tsýtsýmımen sheberlik baıqasady.

Budan buryn Serik mońǵolııalyq Enh-Amar Harhýýmdy qapy qaldyrǵan edi.

Sondaı-aq, 1/16 fınalda Abylaıhan Júsipov (67 keli) venesýelalyq Krıstıan Palasıomen kezdesedi. Ol buǵan deıin Taıbeıden kelgen ıÝ Lınniń osal tusyn tapty.

Aıta ketsek, kúndizgi sessııa elorda ýaqytymen 17:00-de bastalsa, keshkisi 22:00-de oınalady.

Jankúıerler jekpe-jekterdi «Qazsport» telearnasy arqyly tikeleı efırde tamashalaı alady.

Eske salsaq, ulttyq qurama sapynda Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) sharshy alańǵa shyqqan joq.

Al Sáken Bıbosynov (51 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti.

El quramasynan Bek Nurmaǵambet (86 keli) 1/16 fınalda brazılııalyq Keno Machadoǵa ese jiberdi.


Avtor Ádiljan Úmbet
Basty sózder: Sport, Boks,
Joǵary qaraı