Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan álem chempıonaty: Búgin kimder sharshy alańǵa shyǵady

2021 jyldyń 26 qazan 2021 10:48

NUR-SULTAN. QazAqparat - Búgin Serbııa astanasy Belgrad qalasynda ótip jatqan bokstan álem chempıonatynda eki qazaqstandyq sharshy alańǵa shyǵady , dep habarlaıdy QazAqparat tilshisi.

El quramasynan 51 kelide Sáken Bıbosynov 1/16 fınalda ózbek Hasanboı Dýsmatovpen qolǵap túıistiredi.

Sáken 2020 jylǵy Tokıo Olımpıadasynda qola júldeger atandy. Qarsylasy 2016 jyly Rıo Olımpıadasynda altynnan alqa taqty.

Taǵy bir qazaqstandyq Nurqanat Raıys 75 kelide 1/32 fınalda chernogorııalyq Stefan Savkovıchpen sheberlik baıqasady.

Jekpe-jek elorda ýaqytymen 22.00-de «Qazsport» telearnasy arqyly tikeleı efırde kórsetiledi.

Eske salsaq, 25 qazanda ótken jarystyń alǵashqy kúninde ulttyq qurama kapıtany Abylaıhan Júsipov (67 keli) pen Serik Temirjanov (57 keli) 1/16 fınalǵa ótti.

Eske salsaq, ulttyq quramanyń bas bapkeri Qaırat Sátjanov dúbirli dodada tórt sportshydan ózge Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Aslanbek Shymbergenov (71 keli), Nurbek Oralbaı (80 keli), Bek Nurmaǵambet (86 keli), Aıbek Oralbaı (92 keli) men Nurlan Saparbaı (92 keliden joǵary) syndy sportshylarǵa senim artty.

Jarysqa Olımpıada chempıondary, Azııa, Eýropa júldegerleri, álem chempıondary da qatysady dep kútilýde.

Álem chempıonaty 6 qarashada máresine jetedi.

Dúnıejúzilik doda 1974 jyldan beri turaqty túrde uıymdastyrylady. Qazaqstan quramasy búginge deıin 12 altyn, 13 kúmis, 21 qola júlde aldy.


Avtor Ádiljan Úmbet
Basty sózder: Sport, Boks,
Joǵary qaraı