Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bokstan ÁCh: Qazaqstandyq sportshy jeńilip qaldy

2021 jyldyń 27 qazan 2021 19:48

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Bek Nurmaǵambet alǵashqy jekpe-jeginde jarys jolynan shyǵyp qaldy, dep habarlaıdy QazAqparat tilshisi.

Bek Nurmaǵambet (86 keli) 1/16 fınalda brazılııalyq Keno Machadomen sheberlik baıqasty.

Jekpe-jek barysynda brazılııalyq boksshy laıyqty qarsylyq kórsetti. Alǵashqy eki raýndta ol basymdyq tanytty. Jalpy nátıje boıynsha Bek Nurmaǵambet qaosylasyna ese jiberip, jarystan shyǵyp qaldy.

1998 jyly Túrkistan oblysynda dúnıege kelgen B.Nurmaǵambet buǵan deıin jastar arasyndaǵy álem chempıonatynda ekinshi oryn aldy.

Álem chempıonatyna 13 boksshy keldi.

Olardyń arasynda Sáken Bıbosynov (51 keli), Serik Temirjanov (57 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti.

Sondaı-aq, búgin Aslanbek Shymbergenov (71 keli) ırandyq qarsylasynan basym tústi.

Endi aldaǵy kúnderde Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) men Nurlan Saparbaı (92 keliden joǵary) el namysyn qorǵaıdy.

Álem chempıonaty 6 qarashada máresine jetedi.


Avtor Ádiljan Úmbet
Basty sózder: Boks, Sport,
Joǵary qaraı