Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Boksshy Dına Jolaman álem chempıonatynda qola júldeni qanaǵat tutty

2022 jyldyń 18 mamyr 2022 22:08

NUR-SULTAN. QazAqparat – Qazaqstandyq Dına Jolaman Ystanbul qalasynda ótip jatqan álem chempıonatynyń qola júldegeri atandy, dep habarlaıdy QazAqparat tilshisi.

Dına Jolaman 54 kelige deıingi salmaqta rýmynııalyq Lakramıoara Perıshochpen judyryqtasty.

2016 jyly Astanada ótken dúnıejúzilik birinshilikte chempıon atanǵan Dına bul chempıonatta da baryn saldy.

Áıtse de jartylaı fınalda rýmynııalyq boksshynyń baǵy jandy. Tóreshiler sheshimimen (4:1) jeńis L.Perıshochqa berildi.

Osylaısha, Qazaqstannan Alýa Balqybekova ǵana fınalǵa ótti. Qalǵan tórt boksshymyzǵa qola júlde buıyrdy.

Eske sala keteıik, budan buryn Alýa Balqybekovanyń álem chempıonatynyń fınalyna ótkenin, qazaqstandyq eki boksshynyń álem chempıonatynyń qola júldegeri atanǵanyn jazǵan bolatynbyz.


Avtor Eljan Eraly
Basty sózder: Boks, Sport,
Joǵary qaraı