Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO mekemeleri vaktsınalanbaǵan qyzmetkerleri úshin aıyppul tóleıtin bolady

2021 jyldyń 20 qazan 2021 00:08

ORAL. QazAqparat – Batys Qazaqstan oblysynda qyzmetkerleri vaktsına almaǵan mekeme-kásiporyndar aıyppul tóleıtin bolady, dep habarlaıdy QazAqparat tilshisi.

BQO Sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń oblys ákimi Ǵalı Esqalıevtiń tóraǵalyǵymen ótken óńirlik jedel shtab otyrysynda málim etkenindeı, 17 qazannan bastap jańa quqyqtyq-normatıvtik akt kúshine endi.

«Soǵan sáıkes monıtorıngilik toptar jumys kúnderi saǵat 10.00-den 17.00-ge deıin qyzmetkerleri 60 paıyzdan tómen vaktsına alǵan uıymdarǵa tekserý júrgize alady. Egilmegen adamdar bolsa, tizimin alyp, materıaldy bizge joldaıdy. Oblys boıynsha 167 monıtorıngilik top bar, bul jumystar osy aptada bastalady», - dedi M.Aryspaev.

Onyń aıtýynsha, zańbuzýshylyq anyqtalǵan jaǵdaıda QR Ákimshilik quqyqbuzýshylyq kodeksi 425-baby 1-bóligine sáıkes shaǵyn kásipkerlik nysandaryna – 670 910 teńge, orta kásipkerlik nysandaryna – 904 270 teńge, iri kásipkerlik nysandaryna 4 mln 667,2 myń teńge aıyppul salynatyn bolady.

M.Aryspaevtyń sózine qaraǵanda, oblysta vaktsınatsııa baıaý júrip jatyr. Barlyǵy 414 390 adam egilýge tıisti bolsa, sonyń 229 myńy nemese 54 paıyzy ǵana birinshi komponentti qabyldaǵan.

Eske sala keteıik, budan buryn Reseıde koronavırýstyń órshýine baılanysty BQO-da shekarada karantın kúsheıtilgenin, aýrýhanaǵa túskenderdiń 95 paıyzy vaktsına almaǵandar ekenin jazǵan bolatynbyz.


Joǵary qaraı