Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

BQO medıtsına mekemelerinde qorǵanys quraldarynyń 1,5 aılyq qory bar

2020 jyldyń 22 qazan 2020 09:08

ORAL. QazAqparat – Batys Qazaqstan oblysynyń medıtsına mekemelerinde qorǵanys quraldarynyń aı jarymdyq qory bar, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, medıtsına mekemelerinde 35353 dana birrettik, 3107 kóprettik kostıým daıyn tur.

Sondaı-aq 2,6 mln astam dana bir rettik maska, qorǵanyshtyq deńgeıi joǵary 47874 maska, 335511 jup birrettik qolǵap, 12861 lıtr antıseptık bar.

Oblystyq kásipkerlik jáne ındýstrıaldyq-ınnovatsııalyq damý basqarmasynyń málimeti boıynsha «Talap» AQ «PromoArt», «MegaPharma» JShS-men orta eseppen 40 teńgeden medıtsınalyq maska jetkizýge kelisimshart jasasqan. Kúni búginge deıin 40 myń dana ákelingen.

Oblysta maska (136551 dana), antıseptık (5 myń lıtr), dezınfektsııalyq quraldar (6 tonna) jetkilikti.

Otandyq óndirýshi «Kazmedkom» JShS memlekettik tirkeýden ótken kezde aıyna qosymsha 1 mln dana maska tige alady.

Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentinen túsken aqparatqa qaraǵanda, «AQJAIYQ» ÁKK» AQ qorynda kúni búgin 1,820 mln dana maska bar.

Oblys dárihanalarynda dári-dármek pen medıtsınalyq maskalardyń qanshalyqty ekendigi jóninde onlaın túrde monıtorıng júrgiziledi. Kún saıyn farmatsevter mobıldik qosymsha arqyly www.stopcovid.kz saıtyna málimet berip otyrady. Mysaly, dárihanalarda búgin 139 myńdaı maska bolsa, kóterme saýda fırmalarynda 69873 dana maska taǵy bar.

Dárihanalarda medıtsınalyq maskalar 35-ten 60 teńgege deıingi baǵamen satylýda.

Eske sala keteıik, budan buryn BQO-da turǵyndardyń 24 ret toı ótip jatqany jóninde habarlaǵanyn jazǵan bolatynbyz.




Joǵary qaraı