Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-daǵy kıikterge qatysty jaǵdaıdyń sebepteri áli zerttelmegen – sarapshy

2021 jyldyń 5 mamyr 2021 17:06

NUR-SULTAN. QazAqparat – Qazaqstandyq bıoártúrlilikti saqtaý qaýymdastyǵy (QBSA) «kıikter aýyl sharýashylyǵyna kedergi keltirdi» degen BQO sharýalaryna jaýap berdi, dep habarlaıdy QazAqparat QR EGTRM Orman sharýashylyǵy jáne janýarlar dúnıesi komıtetine silteme jasap.

Buǵan deıin áleýmettik jelide «mal jaıylymyna arnalǵan jerlerdi kıik basyp jatyr» degen beınejazba jarııalanǵan edi.

«Iá, kıikterdiń sany ósti, biraq olardyń malmen ózara is-qımyly týraly naqty derek joq. Sondyqtan bul jerde qandaı da bir ótemaqy máselesin kóterý áli orynsyz, óıtkeni bizde kıikterdiń sany kóp bolyp, jaıylymdarǵa áser etýi týraly zertteýler joq», - dep atap ótti QBSA qoldanbaly bıologııa ortalyǵynyń dırektory Sergeı Sklıarenko.

Onyń aıtýynsha, ǵalymdar arnaıy ǵylymı zertteýlersiz kıikterdiń Oral popýlıatsııasy sanynyń ósýi boıynsha naqty eshteńe aıta almaıdy, óıtkeni obektıvti derekter joq. Qazirgi ýaqytta kıik sanaǵy júrip jatyr, bul derekter mamyr aıynyń sońynda daıyn bolady.

«Bıyl Batys Qazaqstanda qurǵaqshylyq baıqalmaıdy. Biraq sońǵy jyldary bul aımaqta mal jaıý júıesi ózgerdi. Mysaly, sovet zamanynda jaıylymdardy almastyrý boldy, qazir bul shema buzylǵan, jaıylymdardy tıimsiz paıdalaný baıqalady. Qalypty jaıylym aınalymynyń bolmaýyna baılanysty jem-shóp tapshylyǵy ásirese qurǵaqshylyq jyldary bilinedi. Biraq bul máseleni egjeı-tegjeıli zertteý úshin arnaıy ǵylymı zertteý júrgizý kerek», - deıdi ǵalym.

Maman mundaı zertteýdi teorııalyq turǵydan birneshe aı boıy, mysaly, osy jazda júrgizýge bolatynyn atap ótti.

«Búgingi tańda meniń bilýimshe, «Ohotzooprom» kıikterdiń popýlıatsııasyn basqarý boıynsha is-sharalar josparyn daıyndap jatyr, túrli tásilder qarastyrylýda», - dedi sarapshy.

Aıta keteıik, 5 mamyr – halyqaralyq kıik kúni. Dúnıejúzindegi kıiktiń 90%-dan astamy Qazaqstanda mekendeıdi.

Qazaqstandaǵy kıik Batys Qazaqstanda, Edil men Oral arasynda, Ústirtte – ishinara Mańǵystaýda, sondaı-aq Aqtóbe men Atyraý oblystarynda mekendeıdi. Aqbókenderdiń eń kóp sany – Qaraǵandy, Aqmola, Qostanaı oblystarynda mekendeıtin Betpaqdala popýlıatsııasy.

QR BǴM Zoologııa ınstıtýtynyń terıologııa zerthanasynyń meńgerýshisi Alekseı Grachev kıikter men aýyl sharýashylyǵyna qatysty pikir bildirgen edi.


Joǵary qaraı