Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-daǵy aýrýhanalardyń birinde sábıdiń ústine teledıdar qulady

2022 jyldyń 18 mamyr 2022 19:31

ORAL. QazAqparat - BQO-nyń «Báıterek» aýdandyq aýrýhanasynda oınap júrgen 2020 jyly týǵan qyz balanyń ústine teledıdar qulady, dep habarlaıdy QazAqparat.

Bala oınap júrip teledıdar astyndaǵy tuǵyrǵa kóterilgen. Ákesi janynda alańsyz otyrǵan. Teledıdardyń astynda qalǵan sábıdi ákesi qolyna alyp qabyldaý bólmesine júgiredi. Olar aýrýhanaǵa anyqtama alý úshin barǵan.

BQO densaýlyq saqtaý basqarmasy baspasóz qyzmetiniń málimetinshe, balany pedıatr shuǵyl qaraǵan.

«Aýyrsynýdy basatyn dári-dármekter qoldanylyp, bas súıegi men keýde qýysy rentgenge túsirilip, sanıtarlyq avıatsııa shaqyrylǵan. Balanyń jaǵdaıy nasharlaı bastaǵan soń, balalar reanımatologynyń keńesimen shuǵyl túrde oblystyq aýrýhanaǵa jiberý usynylady. Pedıatrdyń qadaǵalaýymen reanımobılmen oblystyq kópbeıindi balalar aýrýhanasyna jetkizilip, bala jansaqtaý bólimine jatqyzylǵan», - dep málimdedi vedomstvodan.

Qazirgi bar derekterge qaraǵanda, jetkinshektiń jabyq bas súıek-mı jaraqaty, sýbarahnoıdty qan ketý, mańdaı-parıetaldy súıektiń synýy anyqtalǵan. Qazir balanyń jaǵdaıy turaqty aýyr.




Avtor Ashat Raıqul
Basty sózder: Bala, Oqıǵa, Batys Qazaqstan oblysy,
Joǵary qaraı