Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da «Jyr dúldúli – Marabaı» baıqaýynyń jeńimpazdary anyqtaldy

2021 jyldyń 15 qyrkúıek 2021 19:17

ORAL. QazAqparat – Batys Qazaqstan oblysynda Marabaı Quljabaıulynyń 180 jyldyǵyna oraı uıymdastyrylǵan «Jyr dúldúli – Marabaı» atty aımaqtyq-respýblıkalyq jyrshylar baıqaýynyń jeńimpazdary anyqtaldy, dep habarlaıdy QazAqparat tilshisi.

Marabaı jyraýdyń esimin asqaqtatý, respýblıkanyń batys óńirinde kenjelep qalǵan jyrshylyq ónerdi jandandyrý maqsatynda Terekti aýdanynda ótken saıysqa Batys Qazaqstan, Aqtóbe jáne Qyzylorda oblystarynan 6 úmitker qatysyp, baq synady.

Baıqaýǵa belgili jyrshy, Qazaqstannyń eńbek sińirgen qaıratkeri, «Parasat» ordeniniń ıegeri, Qazaq ulttyq óner ýnıversıtetiniń professory, óner zertteýshisi Almas Almatov bastaǵan qazylar alqasy tórelik etti.

Birinshi kezeńde qatysýshylar jyr basy men «Qyz Jibekti», ekinshisinde óz qalaýlary boıynsha jyrlardy oryndady.

Baıqaý qorytyndysynda Qyzyorda oblysynan kelgen Kúnsulý Túrikpen bas júldeni jeńip aldy.

Oraldyq Sáken Janǵazıev birinshi, qyzylordalyq Marat Súgirbaı ekinshi, aqtóbelik Ómirhan Jetesov úshinshi orynǵa ıe boldy. Qyzylordalyq Málıka Aldamjarova men batysqazaqstandyq Erkebulan Oljaǵalı dıplomant atandy.

Jeńimpaz-júldegerler arnaıy dıplommen, aqshalaı jáne káde syılyqtarmen marapattaldy.

Mereıtoılyq is-sharalar barysynda qonaqtar Marabaı jyraý músinine gúl shoqtaryn qoıyp, taǵzym etti.

Eske sala keteıik, budan buryn epık jyrshy Marabaı Quljabaıulynyń 180 jyldyǵyna oraı birqatar shara ótetinin, Abaı joǵary baǵalaǵan Marabaı jyraýdyń keńinen zerttelýi kerek ekendigin jazǵan bolatynbyz.




















Joǵary qaraı