Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da jol apatynan avtokólik ishinde eki adam janyp ketti

2021 jyldyń 24 qazan 2021 23:28

ORAL. QazAqparat – Batys Qazaqstan oblysynda jol apatynan avtokólik ishinde eki adam janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 24 qazan kúni Aqjaıyq aýdany aýmaǵynda boldy.

Oral-Atyraý jolynyń 209-shaqyrymynda «Lada Vesta» jáne «Lada Prıora» avtokólikteri betpe-bet soqtyǵysqan.

Sonyń saldarynan avtokólikter órtengen. «Lada Prıora» avtokóliginiń ishinde bolǵan eki adam janyp ketti.

«Lada Vestada» túrli jaraqat alǵan 31 jastaǵy er adam men onyń 30 jastaǵy áıeli Aqjaıyq aýdandyq ortalyq aýrýhanaǵa jetkizildi.

Oqıǵa ornynda órt sóndirýshiler men trassalyq medıtsınalyq qutqarý beketiniń qyzmetkerleri de bardy. Polıtsııa qyzmetkerleri de jumys isteýde.

Eske sala keteıik, budan buryn Batys Qazaqstanda júk kóligi qaǵyp ketken júrgizýshiniń kóz jumǵanyn jazǵan bolatynbyz.




Avtor Eljan Eraly
Basty sózder: Kólik, Oqıǵa, Batys Qazaqstan oblysy,
Joǵary qaraı