Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da joǵalǵan bala túnde shóptiń ishinde uıyqtap qalǵan

2022 jyldyń 15 mamyr 2022 10:38

ORAL. QazAqparat – Batys Qazaqstan oblysynda túnde joǵalǵan 11 jasar bala tańmen tabyldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Nurǵojınniń málim etkenindeı, oqıǵa Báıterek aýdany Darııan aýylynda 14 mamyr kúni boldy.

Osyndaǵy orta mekteptiń 5-synybynda oqıtyn, bıyl kúzde 12-ge tolatyn Rýhanııat Mahambetuly shamamen saǵat 22.30-da A.Pýshkın kóshesindegi úıinen shyǵyp ketken.

«Ata-analar ózdiginen taba almaǵan soń, tańǵy saǵat 04.00-de polıtsııaǵa júgingen. Buryn bala úıinen ketpegen. Ony izdestirýge Prıýral polıtsııa bóliminiń jeke quramy, shekarashylar jáne órt sóndirýshiler jumyldyryldy. Balany polıtsııa qyzmetkerleri tańmen saǵat 05.00-de tapty. Ol jaýraǵan soń shópke oranyp uıyqtap qalǵan», dedi B.Nurǵojın.

Eske sala keteıik, budan buryn BQO-da habarsyz ketken 17 jastaǵy bozbala izdestirilip jatqanyn jazǵan bolatynbyz.




Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı