Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da jınalys, konferentsııalardy dástúrli sıpatta ótkizýge ruqsat berildi

2022 jyldyń 28 qańtar 2022 21:20

ORAL. QazAqparat – BQO bas memlekettik sanıtar dárigeriniń 28 qańtardaǵy jańa qaýlysy shyqty, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, qashyqtan ótkizý múmkindigi bolmaǵan jaǵdaıda karantın talaptaryn saqtaı otyryp, jınalys, keńes, semınar, konferentsııalardy dástúrli sıpatta ótkizýge ruqsat berildi.

Jalpy bilim beretin mektepterde 1-4 synyptar (halyqaralyq mektepterde 1-6 synyptar), oqýshy sany 600-den aspaıtyn bilim ordalarynda balalar shtattyq rejımde oqıdy.

Oqýshy sany 600-den astam mektepterde jobalyq qýatynyń 50 paıyzynan aspaıtyn júktememen shtattyq rejımde bilim alady.

Mektepten tys uıymdar shtattyq rejımde jumys isteıdi.

Kolledjder men joǵary oqý oryndarynyń stýdentterin oqytý aralas formatta: praktıkalyq, zerthanalyq, semınar sabaqtary, óndiristik praktıka – ıkemdi keste boıynsha shtattyq rejımde, dárister – onlaın.

Bilim berý uıymy ákimshiliginiń qalaýy boıynsha vaktsınatsııalaýdyń tolyq kýrsyn alǵan oqýshylardy shtattyq rejımde oqytýǵa jol beriledi.

Orta bilim berý uıymdarynda, kolledjderde, JOO-larda karantın rejımin buzý anyqtalǵan jaǵdaıda bilim alýshylardyń barlyǵy qashyqtan oqytýǵa kóshiriledi.

«Ashyq»jobasyna qatysatyn nysandardy qospaǵanda, oıyn-saýyq, ujymdyq, otbasylyq, estelik is-sharalardy, onyń ishinde úıde (banketter, úılený toılary, mereıtoılar jáne t.b.) jáne adamdar kóp jınalatyn ózge de is-sharalardy ótkizýge jáne olarǵa qatysýǵa burynǵysha tyıym salynady.

Basqa da karantındik shekteý sharalary saqtalady.

Qaýly 28 qańtardan bastap kúshine endi.

Eske sala keteıik, budan buryn BQO-da 431 oqýshy, 178 muǵalimnen koronavırýs anyqtalǵanyn, ınfektsııalyq statsıonarlar sany 13-ke jetkenin jazǵan bolatynbyz.

Sondaı-aq Batys Qazaqstanǵa 3 myń doza «Spýtnık Lite» vaktsınasy jetkizildi.






Joǵary qaraı