Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da úıinde oqshaýlaný talabyn buzǵandar 6 mln teńge aıyppul tóledi

2021 jyldyń 14 qazan 2021 14:30

ORAL. QazAqparat – Batys Qazaqstan oblysynda 1 qazannan beri úıinde oqshaýlanýy tıis 55 adamnyń karantın talabyn buzǵany anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentinen málim etkenindeı, olardyń ishinde koronavırýs juqtyrǵan 45-iniń «qyzyl», aýyrǵandarmen qarym-qatynasta bolǵan 10 adamnyń «sary» mártebesi bar.

Bıylǵy 10 maýsymnan beri óńirde «qyzyl» mártebesi bar adamdarǵa 6,184 mln teńge kóleminde 142 aıyppul salyndy.

Departament málimetine qaraǵanda, oblys boıynsha 167 monıtorıngilik top jumys isteıdi.

Sońǵy aptada monıtorıngilik toptar 67 reıd jasap, 679 nysandy qamtydy. Sonyń ishinde 9 nysanda karantındik talaptardyń buzylǵany belgili boldy. Olarǵa qatysty QR Ákimshilik quqyqbuzýshylyq kodeksi 425-baby 1-bóligine sáıkes 175 myń teńge mólsherinde 4 hattama toltyryldy.

Qazan aıynda 455 jolaýshy anyqtamasyz ótti. Halyqaralyq júk tasymalymen aınalysatyn, anyqtamasy joq 1089 júrgizýshiniń bireýinen kovıd tabyldy.

Oblysta 66 egý kabınetinde vaktsınatsııa jumysy jalǵasýda. Kúni búginge deıin 228 206 adam vaktsınanyń birinshi, 206 203-i ekinshi komponentimen egildi.

Eske sala keteıik, budan buryn BQO-da sozylmaly syrqaty barlardyń vaktsınatsııaǵa jıi kele bastaǵanyn, on mektepte 12 synyptyń karantınge jabylǵanyn jazǵan bolatynbyz.


Joǵary qaraı