Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da ústine teledıdar qulaǵan 2 jasar qyz bala esin jıdy

2022 jyldyń 19 mamyr 2022 13:38

ORAL. QazAqparat – Batys Qazaqstan oblysynda ústine teledıdar qulaǵan 2 jasar qyz bala esin jıdy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, qazirgi kezde oblystyq kópbeıindi balalar aýrýhanasynda jatqan qyz jansaqtaý bóliminen anasynyń qasyna kóshirildi.

«Eki jasar qyz balanyń jaǵdaıy áli de aýyr, biraq turaqty. Dárigerler ázirge ota jasaýdyń qajeti joq dep otyr», dep habarlady vedomstvodan.

Eske sala keteıik, budan buryn BQO-daǵy aýrýhanalardyń birinde sábıdiń ústine teledıdar qulaǵanyn jazǵan bolatynbyz.

Oqıǵa Báıterek aýdany Peremetnyı aýylyndaǵy aýdandyq aýrýhanada boldy.

Osynda emdelgen qyz bala ákesi ekeýi atalmysh aýrýhanaǵa anyqtama alý úshin kelgende, ústine teledıdar qulap ketip, oqys oqıǵaǵa dýshar boldy.



Avtor Eljan Eraly
Basty sózder: Batys Qazaqstan oblysy, Aımaq, Oqıǵa,
Joǵary qaraı