BQO-da Reseıden kele jatqan júk kóligi jol jıegine túsip ketti
ORAL. QazAqparat – Batys Qazaqstan oblysynda Reseıden kele jatqan júk kóligi jol jıegine túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 27 qarasha kúni Oral-Atyraý jolynyń 188-shaqyrymynda, Aqjaıyq aýdany Aqsýat aýyly mańynda boldy.
«Mercedes» júk kóliginiń júrgizýshisi rýlge ıe bola almaı, jol jıegine túsip ketken.
Saǵat 16.00-de â„–6 órt sóndirý bólimi jáne Aqjaıyq aýdany TJ bóliminiń kúshimen júk kóligi tazartylǵan jol ýchaskesine shyǵaryldy.
Júrgizýshi, túrkııalyq azamat Reseıden Túrkistan oblysyna bara jatqan. Júk kóligine aǵash, ósimdik kóshetteri tıelgen.
Shetel azamatyna jyly jerde ystyq shaı, tamaq berildi. Ol qazaqstandyq qutqarýshylarǵa rızashylyǵyn bildirdi.
Eske sala keteıik, budan buryn BQO-da 21 tonna benzın ákele jatqan júk kóliginiń aýdarylyp qalǵanyn, qystaqtan shyqqan turǵynnyń adasyp ketkenin jazǵan bolatynbyz.
