Aýa raıy
Astana 15 °S
Almaty 13 °S
valıýta baǵamy
USD 405.69
EUR 455.51
RUB 5.72
CNY 57.42

BQO-da Reseı azamaty 242 mln teńgeniń kıik múıizimen ustaldy

2019 jyldyń 13 qarasha 2019 16:41

ORAL. QazAqparat – Batys Qazaqstan oblysynda reseılik azamat 29 keli kıik múıizimen qolǵa tústi, dep habarlaıdy QazAqparat tilshisi.

QR Ulttyq qaýipsizdik komıteti Shekara qyzmeti «Batys» óńirlik basqarmasy 2029-áskerı bóliminiń áskerı qyzmetshisi, kapıtan Azamat Bımanovtyń aıtýynsha, zańdy buzǵan azamat búgin, tańǵy saǵat 06.00-de Aqsaı avtomobıl ótkizý beketinde ustaldy.




«Shekaralyq baqylaýdy júzege asyrý kezinde reseılik azamat tizgindegen avtokóliktiń júksalǵyshyndaǵy jol sómkesinen kıiktiń jańadan kesilgen 128 dana múıizi tabyldy. Múıizdiń jalpy salmaǵy 28 kg 914 gramdy qurady. Quny 242,4 mln teńgege baǵalandy», - delingen taratylǵan habarlamada.

Atalǵan azamat Qazaqstannan Reseıge bara jatqan.

BQO Polıtsııa departamentiniń baspasóz qyzmeti osy oqıǵaǵa baılanysty QR QK-niń 339-babyna sáıkes qylmystyq is qozǵalyp, Bórli aýdany polıtsııa bólimi tergeý amaldaryn bastaǵanyn jetkizdi.

Eske sala keteıik, budan buryn BQO turǵynynyń 348 dana kıik múıizimen ustalǵanyn jazǵan bolatynbyz.







Joǵary qaraı