Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da polıtseıge para bermek bolǵan ózbekstandyq júrgizýshi ustaldy

2020 jyldyń 24 qazan 2020 07:44

ORAL. QazAqparat – Batys Qazaqstan oblysynda polıtseıge para bermek bolǵan ózbekstandyq júrgizýshi ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 21 qazan kúni Samara-Shymkent jolynyń 276-shaqyrymynda boldy.

Saǵat 10.00 shamasynda ózbekstandyq azamat «MAN» avtokóliginiń jyldamdyǵyn shekten tys arttyrǵany úshin patrýldik polıtsııa batalony qyzmetkerlerimen toqtatyldy. Sodan keıin «Shkoda Oktavııa» qyzmettik kóliginde QR Ákimshilik quqyqbuzýshylyq kodeksi 592-baby 2-bóligine sáıkes ákimshilik jaýapkershilikke tartpaý úshin polıtsııa qyzmetkerine 2 myń teńge kóleminde para usynǵan.

Qazirgi kezde Oral qalasy polıtsııa basqarmasy QR QK 367-baby 1-bóligine (para berý) sáıkes sotqa deıingi tergeý amaldaryn júrgizýde.

Eske sala keteıik, budan buryn Oralda bir kúnde polıtseıge para bermek bolǵan eki júrgizýshiniń ustalǵanyn jazǵan edik.


Joǵary qaraı