Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da naýqastardyń kóbeıýine baılanysty eki ınfektsııalyq statsıonar ashyldy

2022 jyldyń 21 qańtar 2022 14:34

ORAL. QazAqparat – Batys Qazaqstan oblysynda koronavırýs juqtyrǵan naýqastardyń kóbeıýine baılanysty eki ınfektsııalyq statsıonar ashyldy, dep habarlaıdy QazAqparat tilshisi.

BQO densaýlyq saqtaý basqarmasynyń basshysy Arman Qalıbekovtiń óńirlik kommýnıkatsııalar qyzmeti alańynda ótken brıfıngide málim etkendeı, Kaztalov aýdandyq aýrýhanasynda 75 tósektik jáne oblystyq ftızıopýlmonolııa ortalyǵynyń Kýmyska bólimshesinde 90 tósektik statsıonar jumys jasaı bastady.

Onyń sózine qaraǵanda, kúni búgin ınfektsııalyq statsıonarlar sany 10-ǵa (tósek-oryn 504-ten 619-ǵa) jetip, olarda 234 naýqas emdelip jatyr. Sonyń ishinde beseýi aýyr halde.

Pandeemııa bastalǵannan beri tirkelgen 40 795 naýqastyń 39 414-i jazylyp shyqsa, 858-i kóz jumdy.

A.Qalıbekovtiń aıtýynsha, vaktsınatsııa bastalǵannan beri 262 573 adam (jospardyń 63,4 paıyzy) birinshi, 247 308-i ekinshi komponentpen egildi.

«Qazirgi tańda 7440 adam Pfizer vaktsınasyn saldyrsa, sonyń 263-i – júkti, 3353-i – bala emizetin áıelder, 3824-i – jasóspirimder. Oblys boıynsha 32 868 turǵyn revaktsınatsııadan ótti. 3 myń doza «Spýtnık Lite» vaktsınasy óńirge osy aıdyń aıaǵyna deıin jetkizilmekshi. Bul ekpe revaktsınatsııadan ótetin adamdarǵa qoldanylady. 60 jastan asqandar men medıtsına qyzmetkerlerin Pfizer vaktsınasymen revaktsınatsııalaýǵa ruqsat berilgeni belgili. Osy ýaqytqa deıin bul ekpemen 722 adam revaktsınatsııalansa, sonyń 353-i – medıtsına qyzmetkerleri, 369-y – alpys jastan asqandar», dedi A.Qalıbekov.

Eske sala keteıik, budan buryn BQO-da koronavırýs juqtyrǵan 224 naýqastyń statsıonarda emdelip jatqanyn, koronavırýs juqtyrý deńgeıi 11,2 ese óskenin jazǵan bolatynbyz.


Joǵary qaraı