Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da mamyr aıynda 1331 adamnan koronavırýs tabyldy

2021 jyldyń 13 mamyr 2021 01:56

ORAL. QazAqparat – Batys Qazaqstan oblysynda mamyr aıynda 1331 adamnan koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń málim etkenindeı, olardyń 56,6 paıyzynan (754) JRVI belgileri boıynsha tekserilgende, indet anyqtalǵan.

Sondaı-aq 32,3 paıyzy (431) buryn aýyrǵandarmen baılanysta bolǵan. 9,9 paıyzy (133) profılaktıkalyq maqsatta qaralsa, 0,9 paıyzynan (13) vahtalyq aýysymnan shyǵar jáne bastalar, sol sekildi statsıonarǵa jatqyzar aldynda synama alynǵan.

Departament basshysynyń sózine qaraǵanda, sońǵy aptada (5-11 mamyr) aldyńǵymen (28 sáýir-4 mamyr) salystyrǵanda, indet juqtyrý kórsetkishi 7,5 paıyzǵa (932-den 862-ge) tómendedi.

Mamyr aıynda 23385 PTR zertteý (kúnine orta eseppen 2125) júrgizildi.

«Sonymen qatar «Ashyq» qosymshasyna sáıkes 1 mamyrdan beri úılerinde oqshaýlanýǵa tıis adamdardyń saýda oryndary nemese meıramhana sııaqty nysandarǵa kirýge tyrysqany belgili boldy. Atap aıtqanda, Oralda kovıdpen aýyryp júrgen 15, naýqastarmen qarym-qatynasta bolǵan 21, al Aqsaı qalasynda sáıkesinshe 2 jáne 3 adam anyqtaldy», dedi M.Aryspaev.

Mamyr aıynda memlekettik shekaradan 10998 adam ótse, sonyń 2883-i – jolaýshylar. Anyqtamasyz ótken 153 jolaýshynyń bireýinen koronavırýs tabyldy. Sondaı-aq halyqaralyq júk tasymalymen aınalysatyn 5227 júrgizýshiniń 685-inde anyqtama bolǵan joq. Bulardyń úsheýinen indet anyqtaldy.

Eske sala keteıik, budan buryn Batys Qazaqstanda 58 myńnan astam adamnyń koronavırýsqa qarsy ekpe saldyrǵanyn, oblysta blokpostar alynǵanymen, shekteý sharalary saqtalatynyn jazǵan bolatynbyz.

Sondaı-aq vaktsınadan polıtseıdiń qaıtys bolǵany jóninde jalǵan aqparat taratqan aýdıojazba avtory ustaldy.





Joǵary qaraı