Aýa raıy
Astana -18 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da koronavırýspen kúres sharalaryna 12 mlrd teńge bólindi

2020 jyldyń 30 qazan 2020 16:54

ORAL. QazAqparat – Batys Qazaqstan oblysynda koronavırýspen kúres sharalaryna 12,1 mlrd teńge bólindi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, sonyń ishinde Úkimet rezervinen 3 183,1 mln teńge qarastyryldy.

Jergilikti qazynadan 974,1 mln teńge baǵyttaldy.

Oral qalasynda salynyp jatqan modýldik aýrýhana qurylysyna 7 225,0 mln teńge bólindi.

Jergilikti bıýdjettiń 707,9 mln teńgesi jeke qorǵanys quraldaryn, janar-jaǵar maı, medıtsınalyq jabdyq jáne basqa shyǵyndarǵa jumsaldy. Sondaı-aq demeýshiler de 20,3 mln teńge kóleminde óz úlesterin qosty.

Oblysta koronavırýs juqtyrǵandar sany 7 myńǵa jetse, sonyń 6818-i jazylyp shyqty. 117 adam kóz jumdy.

Sońǵy táýlikte 8 adam tirkeldi.

Sol sekildi pnevmonııaǵa shaldyqqan 117 adam emdelý ústinde. Bul dertten 214 adam qaıtty.

Jasandy tynys alý apparatyna qosylǵan eshkim joq. 5 adam ottegi kontsentratoryn paıdalanýda.

Qazirgi tańda oblystyq juqpaly aýrýlar aýrýhanasynda 83 adam jatyr. 7 adam jansaqtaý bóliminde. Oǵan qosa 29 adam karantındik statsıonarda baqylanýda.

Eske sala keteıik, budan buryn BQO-da koronavırýsqa shaldyqqandar arasynda zeınetkerler sany kóbeıip otyrǵanyn jazǵan bolatynbyz.


Joǵary qaraı