Aýa raıy
Astana -7 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da koronavırýsqa shaldyqqandar arasynda zeınetkerler sany kóbeıip otyr

2020 jyldyń 30 qazan 2020 13:27

ORAL. QazAqparat – Batys Qazaqstan oblysynda koronavırýsqa shaldyqqandar arasynda zeınetkerler sany kóbeıip otyr, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngte málim etkenindeı, sońǵy kezde indettiń óse túskeni baıqalady.

Onyń sózine qaraǵanda, qyrkúıekte koronavırýsty 111 adam juqtyrsa, qazan aıynyń basynan beri 137-ge jetti.

Aýyrǵandardyń 65-i nemese 47,6 paıyzy –zeınetkerler. Bul turǵyndar arasynda toı, sadaqa sııaqty kópshilik sharalarǵa barýdyń tyıylmaı otyrǵanyn kórsetedi. Sondaı-aq 26 jumyssyzdan (18,9 paıyz), jumys jasaıtyn 23 adamnan (16,8 paıyz), 12 medıtsına qyzmetkerinen (8,7 paıyz), 7 muǵalim men tárbıeshiden (5,1 paıyz) jáne 2 oqýshydan (1,4 paıyz) koronavırýs anyqtaldy.

Qazirgi tańda oblystyq juqpaly aýrýlar aýrýhanasynda 71 adam emdelip jatyr. Sonyń altaýy jansaqtaý bóliminde.

Bul aýrýdy asqyndyryp alýdyń, ýaqtyly emdelmeýdiń saldarynan bolyp otyr.

Reseıde koronavırýsqa baılanysty kúrdeli jaǵdaı qalyptasyp otyrǵany belgili. Soǵan baılanysty kórshi elmen shekaradaǵy tórt avtoótkelde sanıtarlyq talaptar kúsheıtilgen bolatyn. 6 qazannan beri COVID-19-ǵa anyqtamasy joq 738 adam eki kúnge karantındik statsıonarǵa jatqyzylyp, sonyń 18-inen indet tabyldy.

Sonymen qatar 26 qazannan beri halyqaralyq tasymaldaýdy júzege asyratyn PTR anyqtamasy joq júrgizýshilerdi tekserý bastaldy. Anyqtamasyz ótken 544 júrgizýshiden synama alynyp, sonyń úsheýi koronavırýs juqtyrǵan bolyp shyqty. Úsheýi de – Oral qalasynyń turǵyndary.

«Ókinishke qaraı, oblysta toı, sadaqa sekildi kópshilik jıyndar ótkizý jalǵasýda. 158 monıtorıngtik top 17 tamyzdan beri 440 nysanda zańnyń buzylǵanyn anyqtady.

QR Ákimshilik quqyqbuzýshylyq kodeksi 425-baby 1-bóligine sáıkes 317 hattama toltyrylyp, 15 mln astam teńge aıyppul salyndy. Shekteý sharalaryn únemi buzyp otyrǵan 6 nysannyń qyzmetin toqtatý týraly aýdanaralyq ekonomıkalyq sotqa talap aryz berildi. Meıramhanalarmen qatar qaladaǵy iri saýda úıleri men bazarlarda da sanıtarlyq talaptar saqtala bermeıdi. Sondaı-aq turǵyndar da maska kııýdi umytpaýy kerek. Eger bul talaptar saqtalmaı, indet órshise, ony qatańdatýǵa májbúr bolamyz», dedi M.Aryspaev.

Eske sala keteıik, budan buryn Batys Qazaqstanda otandyq óndirýshiniń aıyna 1,2 mln maska shyǵarmaqshy ekendigin jazǵan bolatynbyz.



Joǵary qaraı