Aýa raıy
Astana 9 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

BQO-da koronavırýsqa shaldyqqan 92 adam aýyr halde jatyr

2020 jyldyń 6 shilde 2020 23:38

ORAL. QazAqparat – Batys Qazaqstan oblysynda koronavırýsqa shaldyqqan 92 adam aýyr halde jatyr, dep habarlaıdy QazAqparat tilshisi.

BQO densaýlyq saqtaý basqarmasynyń basshysy Bolatbek Qaıýpov málim etkendeı, óńirde ahýal óte kúrdeli bolyp otyr.

Medıtsınalyq kómekke júgingender sany arta túsýde. Táýligine jedel járdemge 1200-den astam qońyraý shalynady.

Kúni búgin juqpaly aýrýlar jáne provızorlyq aýrýhanada tósek sany 717 bolsa, sonyń 72 paıyzynda adamdar jatyr. 30-dan astam naýqas jasandy tynys alý apparatyna qosylsa, 52 adam ottegi maskasyn tutynýda.

Aýrýhanalar dári-dármektermen qamtamasyz etilgen, taıaýda taǵy da ákelinedi. Ár aýdandyq aýrýhanada provızorlyq tósek-oryndar ashylǵan. Tórt aýdanda juqpaly aýrýlar tósek-orny bar.

Oblystyq kópbeıindi aýrýhanada 20-dan astam medbıke jáne 30 kishi qyzmetker, qalalyq aýrýhanada 30 medbıke, 40 kishi qyzmetker jetispeıdi.

B.Qaıýpovtyń sózine qaraǵanda, indetpen kúreske 700-den astam medıtsına qyzmetkeri jumyldyrylǵan. Olardyń 150-den astamy ózderi aýyryp, emdelip shyqty.

Naýqastar óte kóp kelip jatyr. Jaǵdaıy óte aýyr adamdar birinshi kezekte qabyldanady.

«Emdelýshilerdiń kóbeıýine baılanysty jańadan jabdyqtar satyp alýdamyz. Búgin 21 jasandy tynys alý apparaty statsıonarǵa jetkizildi. Ol úshin «QPO b.v.» kompanııasyna alǵysymyzdy bildiremiz. Osy aptada ottegi kontsentratorlary ákelinedi. Oblystyq aýrýhanada ekinshi korpýsty ashamyz. Bul asa qıyn jaǵdaıda jumys jasap jatqan dárigerlerge túsetin júktemeni azaıtyp, emdelýshilerdi kóbirek qabyldaýǵa múmkindik beredi», dedi Bolatbek Amangeldiuly.

Eske sala keteıik, budan buryn oraldyq dárigerlerge memlekettik nagradalar tabys etilgenin jazǵan bolatynbyz.

Joǵary qaraı