Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da koronavırýs juqtyrǵan 276 adam statsıonarda jatyr

2021 jyldyń 2 naýryz 2021 23:10

ORAL. QazAqparat - Batys Qazaqstan oblysynda koronavırýsqa shaldyqqan 276 adam juqpaly aýrýlar statsıonarynda jatyr, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti málim etkenindeı, sondaı-aq 24 adam karantındik statsıonarda emdelýde.

Óńirde 62 tósektik jansaqtaý bólimshesinde 18 adam em alýda.

Kúni búgin ınvazıvti emes jasandy tynys alý apparatyna 6, ottegi kontsentratoryna 7, ortalyqtandyrylǵan ottegi kózine 56 adam qosylǵan.

Basqarmanyń málimetine qaraǵanda, dárihanalarda bólshek saýdadaǵy dári-dármek 1 aıǵa jetedi. Kóterme saýda qoımalarynda, sondaı-aq medıtsına uıymdarynda 2 aıǵa jetetin dári-dármek qory bar.

«SQ-Farmatsııa» JShS arqyly apta saıyn dári-dármek jetkizilýde.

Oblysta 13 zerthanada 48467 zertteýge arnalǵan 969,24 test júıesi bar. Sońǵy táýlikte 1386 zertteý júrgizildi.

CALL-ortalyqtar táýlik boıy 3 aýysymda jumys jasaýda. Sońǵy aptada (23 aqpan - 1 naýryz) 4931 qońyraý shalynsa, sonyń 100-i kovıdke qatysty boldy. Sońǵy táýlikte 766 qońyraýdyń 23-i koronavırýs boıynsha habarlasqan.

Eske sala keteıik, budan buryn Oralda gaz mekemesiniń 7 qyzmetkerinen koronavırýs anyqtalǵanyn, BQO-da sońǵy úsh kúnde 144 adamnan indet tabylǵanyn jazǵan bolatynbyz.



Joǵary qaraı