Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da koronavırýs juqtyrǵan 250-den astam adam statsıonarda emdelip jatyr

2021 jyldyń 18 qazan 2021 18:21

ORAL. QazAqparat – Batys Qazaqstan oblysynda koronavırýs juqtyrǵan 253 adam statsıonarlarda emdelip jatyr, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, sonyń ishinde 122-si Oral qalasyndaǵy modýldik statsıonarda, 98-i oblystyq juqpaly aýrýlar aýrýhanasynda jatyr. Oblys statsıonarlary 27,2 paıyzǵa tolǵan.

Kúni búgin 23 naýqas jansaqtaý bólimshesinde bolsa, sonyń bireýi ınvazıvti jasandy tynys alý apparatyna qosylǵan. Sondaı-aq 821 adam ambýlatorlyq em alýda.

Jyl basynan beri 29 153 adam koronavırýs juqtyrsa, sonyń 20 147-sinde aýrý belgileri boldy.

Bıyl boıynan indet tabylǵan 2 790 balanyń 2 692-si jazylyp shyqty. 98-i áli emdelý ústinde.

Basqarma málimetine qaraǵanda, ótken táýlikte 145 adam vaktsınanyń birinshi komponentimen egildi.

Vaktsınatsııa bastalǵannan beri 229 994 adam birinshi komponentti qabyldady, bul – egilýge tıisti turǵyndardyń 55,5 paıyzy.

Oǵan qosa 207 976-sy ekinshi komponentpen egildi.

Eske sala keteıik, budan buryn Batys Qazaqstanda sońǵy aptada koronavırýs juqtyrǵandar sany 10,2 paıyzǵa tómendegenin jazǵan bolatynbyz.




Joǵary qaraı