Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da kıikter neden qyrylýy múmkin – mınıstrlik boljamy

2021 jyldyń 13 mamyr 2021 22:02

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti Batys Qazaqstan oblysynda kıikterdiń jappaı qyrylýynyń boljamdy sebebin atady, dep habarlaıdy QazAqparat.

2021 jyldyń 13 mamyrynda BQO-nyń Jánibek aýdany Taý aýyly manyńda ólgen 372 bas kıik (basym bóligi analyq týsha) tabylǵan.

Oqıǵa ornyna qajetti is-sharalardy júrgizý úshin shuǵyl túrde oblystyq Ekologııa departamentiniń, QR AShM Veterınarııalyq baqylaý jáne qadaǵalaý komıteti ınspektsııasynyń, oblystyq Veterınarııa basqarmasynyń, Sanıtarııalyq-epıdemıologııalyq baqylaý departamentiniń jáne Tótenshe jaǵdaılar departamentiniń qyzmetkerleri tartylǵan.

«Kıikterdiń jappaı qyrylý faktisi boıynsha ýákiletti memlekettik organdardyń jedel shtaby quryldy.

Boljam boıynsha kıikterdiń qyrylýy sol mekendegi qolaısyz aýa raıyna (nóserli jaýyn men naızaǵaı) baılanysty bolýy múmkin. Sebebi, ushalarda naızaǵaı razrıadynan zaqymdaný izi baıqalady. Quzyrly memlekettik organdardyń zertteý jáne qorytyndy jumystary aıaqtalǵan soń, naqty nátıjesi qosymsha habarlanady», - dep málim etti Orman sharýashylyǵy jáne janýarlar dúnıesi komıtetiniń baspasóz qyzmetinen.


Joǵary qaraı