Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da qarasha aıynda 690-ǵa jýyq adamnan koronavırýs tabyldy

2021 jyldyń 25 qarasha 2021 17:13

ORAL. QazAqparat – Batys Qazaqstan oblysynda qarasha aıynda 684 adamnan koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sonyń 54 paıyzy (367) JRVI belgilerimen tekserilgen kezde anyqtaldy.

Sondaı-aq 27 paıyzy (185) profılaktıkalyq maqsatta qaralsa, 18 paıyzy (122) buryn aýyrǵandarmen baılanysta bolǵan. 1 paıyzynan (10) statsıonarǵa jatqyzar aldynda synama alynǵan.

Departament málimetine qaraǵanda, «Ashyq» jobasy boıynsha 1-25 qarasha aralyǵynda úılerinde oqshaýlanýy tıis 72 adamnyń karantın talabyn buzǵany belgili boldy. Sonyń 61-i – «qyzyl», 11-i – «sary» mártebesi bar adamdar. Karantın talabyn buzǵandarǵa qatysty 21 ákimshilik hattama toltyrylyp, 918 855 teńge aıyppul salyndy.

Osy aıda memlekettik shekaradan anyqtamasyz ótken 661 jolaýshynyń bireýi indet juqtyrǵan bolyp shyqty. Halyqaralyq júk tasymalymen aınalysatyn, anyqtamasy joq 741 júrgizýshiniń úsheýinen koronavırýs tabyldy.

Eske sala keteıik, budan buryn BQO-da 900-ge jýyq adamnyń Pfizer vaktsınasyn saldyrǵanyn jazǵan bolatynbyz.


Joǵary qaraı