Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da karantın talabyn buzǵandarǵa 32,2 mln astam teńge aıyppul salyndy

2021 jyldyń 12 qazan 2021 18:28

ORAL. QazAqparat – Batys Qazaqstan oblysynda 1 qazannan beri «Ashyg» qosymshasymen jumys isteıtin nysandarǵa úılerinde oqshaýlanýy tıis 50 adamnyń kelgendigi anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sonyń ishinde 41-i – «qyzyl», 9-y – «sary» mártebemen júrgender.

Anyqtalǵan zańbuzýshylyqtar boıynsha QR Ákimshilik quqyqbuzýshylyq kodeksi 425-baby 1-bóligine sáıkes jeke tulǵalarǵa 6 hattama toltyrylyp, 262 530 teńge aıyppul salyndy.

Departament málimetine qaraǵanda, jyl basynan beri monıtorıngtik toptar oblysta barlyǵy 4303 reıd júrgizip, 30 450 nysan qamtyldy.

Monıtorıngtik toptar men polıtsııadan túsken materıaldar boıynsha bıyl 532 hattama toltyrylyp, 32 mln 276,605 myń teńge aıyppul salyndy.

Qazan aıynda óńirde 586 adamnyń koronavırýs juqtyrǵany tirkeldi.

Eske sala keteıik, budan buryn BQO-da sońǵy tórt kúnde 230 adamnan koronavırýs anyqtalǵanyn, sondaı-aq indet juqtyrǵan 100-ge jýyq balanyń emdelip jatyrǵanyn jazǵan bolatynbyz.

Sondaı-aq Batys Qazaqstanda egilýge tıisti turǵyndardyń 63 paıyzy vaktsına qabyldady.


Joǵary qaraı