Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da dárini Reseıge zańsyz shyǵarmaq bolǵan kásiporyn anyqtaldy

2020 jyldyń 11 tamyz 2020 22:31

ORAL. QazAqparat – Batys Qazaqstan oblysynda 1,7 mln AQSh dollary turatyn dárilik zattardy shetelge ruqsatsyz áketpek bolǵan kásiporynǵa aıyppul salyndy, dep habarlaıdy QazAqparat tilshisi.

BQO ekonomıkalyq tergeý departamenti málim etkenindeı, shilde aıynda «Tasqala» avtokólik ótkizý beketinde júk kóliginiń 1,7 mln astam dollar turatyn «Fızıotenz» dárilik zatyn Reseıge tıisti ruqsat qaǵazdarynsyz alyp bara jatqany anyqtalǵan bolatyn.

Tekseris barysynda «Nobel Almaty farmatsevtıkalyq fabrıkasy» AQ-nyń atalmysh dárilik zatty el aýmaǵynan áketý tártibin buzǵandyǵy belgili boldy. Sonymen qatar bul kásiporyn dárilik zattar men medıtsınalyq buıymdardy áketýge kelisim jáne (nemese) qorytyndy berýge qatysty memlekettik qyzmet kórsetý qaǵıdasyn da belden basqan bolyp shyqty.

Sot sheshimimen atalǵan kásiporyn QR Ákimshilik quqyqbuzýshylyq kodeksi 463-baby 1-bóligine sáıkes kináli dep tanylyp, ákimshilik quqyq buzýshylyq nysandaryn tárkilemesten, 416,7 myń teńge kóleminde aıyppul salyndy.

Eske sala keteıik, budan buryn Oralda zańsyz oıyn bıznesin uıymdastyrǵan eki turǵyn sottalǵanyn jazǵan bolatynbyz.



Joǵary qaraı