Aýa raıy
Astana 27 °S
Almaty 31 °S
valıýta baǵamy
USD 405.66
EUR 454.70
RUB 5.71
CNY 57.43

BQO-da brakonerler qoryqshyǵa oq atyp, óltirmek boldy

2019 jyldyń 14 qarasha 2019 15:26

ORAL. QazAqparat - Batys Qazaqstan oblysynda qoryqshyǵa oq atyp, óltirmek bolǵandar ustaldy, dep habarlaıdy QazAqparat tilshisi.

Oqıǵa 13 qarasha kúni Oralǵa qarasty Krýgloozernyı kenti mańynda boldy.

Qoryqshy (eger), 54 jastaǵy Gennadıı Golovotenkonyń aıtýynsha, brakonerler mingen kólikti toqtatyp, qaramaq bolǵan. Sol kezde eki er adam mas kúıinde birneshe ret judyryq jumsaǵan. Sodan keıin birneshe ret oq atqan. Bul mashınanyń tasasyna tyǵylyp, aman qalǵan. Keıin oqıǵaǵa ornyna polıtsııa jedel jetken.




Oral qalasy polıtsııa basqarmasy bastyǵynyń orynbasary Nurlan Bısenovtiń sózine qaraǵanda, saǵat 00.00-de Krýgloozernyı kenti mańyndaǵy dala jolynda qoryqshyǵa shabýyl jasalǵany jóninde habar túsken.




Jedel izdestirý sharalary barysynda «VAZ-2109» avtokóligimen sytylyp ketpek bolǵan 32 jastaǵy eki kúdikti qolǵa tústi. Olardyń bireýi urlyq pen buzaqylyq jasaǵany úshin buryn sottalǵan, ekeýi de Oral qalasynyń turǵyndary.




Qazirgi kezde QR QK 24-baby - 99-baby 1-bóligine sáıkes (kisi óltirýge oqtalý) qylmystyq is qozǵalyp, tergeý júrgizilýde.

Keıinirek sol mańnan «Nıva» kóligimen taǵy eki adam ustaldy. Salonnan oq-dári men eliktiń ushasy shyqqan.

Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı