Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-da boranǵa baılanysty respýblıkalyq jol jabyldy

2022 jyldyń 15 qańtar 2022 21:38

ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq jol jabyldy, dep habarlaıdy QazAqparat tilshisi.

«QazAvtoJol» UK» AQ BQO fılıalynyń málimeti boıynsha 15 qańtar kúni jergilikti saǵat 19.40-tan bastap respýblıkalyq mańyzy bar Samara-Shymkent (390-526 km, Jympıty aýylynan Aqtóbe oblysynyń shekarasyna deıin) jolynda barlyq kólik túrleri úshin qozǵalysqa shekteý qoıyldy.

Jabylý sebebi – kúshti jel, boran.

Osyǵan baılanysty BQO TJ departamenti eskertý jarııalap, turǵyndarǵa habarlama jiberilip jatqanyn jetkizdi.

Aýa raıy erteń de turaqsyz bolmaq. Óńirdiń soltústiginde, shyǵysynda jaıaý burqasyn kóterilip, jeldiń jyldamdyǵy sekýndyna 15-20 metrge jetýi yqtımal.

Oral qalasynda 16 qańtarda túnde jaıaý burqasyn soǵady.

Eske sala keteıik, budan buryn Batys Qazaqstanda aýa raıynyń nasharlaýyna baılanysty respýblıkalyq mmańyzy bar birqatar jol jabylǵanyn jazǵan bolatynbyz.




Joǵary qaraı