Aýa raıy
Astana -22 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da azamattyq nekedegi áıelin óltirgen turǵynǵa úkim shyqty

2020 jyldyń 30 qazan 2020 00:55

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda 45 jastaǵy Andreı Koshıkovqa qatysty úkim shyqty, dep habarlaıdy QazAqparat tilshisi.

Sottyń baspasóz qyzmeti málim etkendeı, A.Koshıkov QR QK 99-baby 1-bóligine sáıkes aıypty dep tanylyp, 13 jyl 3 aı merzimge bas bostandyǵynan aıyryldy.

Sottalýshynyń jazasyn qaýipsizdigi tótenshe qylmystyq-atqarý júıesi mekemesinde óteý belgilendi.

Sot úkim shyǵarǵan kezde qylmystyń sıpaty men qoǵamǵa qaýiptiligin, sottalýshynyń turǵylyqty meken-jaıy boıynsha teris minezdemesin, onyń qylmys jasaǵannan keıingi minez-qulqyn, jábirlenýshi E.Bondarenkonyń eń qatań jazany taǵaıyndaý jónindegi pikirin eskerdi.

Sot talqysynda málim bolǵanyndaı, A.Koshıkov bıylǵy 2 tamyzda shamamen saǵat 01.00-de óz úıinde birge turatyn N.Zýenkomen araq ishken. Sonyń saldarynan ekeýiniń arasynda kıkiljiń týyndaǵan. Janjal kezinde A.Koshıkov N.Zýenkony uryp-soǵyp, úıden shyǵaryp jibergen. Azamattyq nekedegi áıeli páterge kirgizýin ótinip, esikti urǵylaǵan kezde A.Koshıkov pyshaqpen soqqylar jasaǵan.

Alǵan dene jaraqattarynan N.Zýenko oqıǵa ornynda kóz jumdy.

A.Koshıkovtiń kinási sotta tolyq dáleldendi.

Úkim zańdy kúshine engen joq.

Eske sala keteıik, budan buryn BQO-da úıdiń jertólesinen er adamnyń múrdesi tabylǵanyn jazǵan edik.


Avtor Eljan Eraly
Basty sózder: Batys Qazaqstan oblysy, Zań, Oqıǵa,
Joǵary qaraı