Aýa raıy
Astana -9 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da avtobýs tasymalyn sýbsıdııalaýǵa 126 mln teńge bólindi

2020 jyldyń 3 jeltoqsan 2020 03:11

ORAL. QazAqparat – Batys Qazaqstanda oblysishilik baǵyttar boıynsha jolaýshylardy avtobýspen tasymaldaýdy sýbsıdııalaýǵa 125,9 mln teńge bólindi, dep habarlaıdy QazAqparat tilshisi.

BQO jolaýshylar kóligi jáne avtomobıl joldary basqarmasy basshysynyń orynbasary Qazbek Meńeev óńirlik kommýnıkatsııalar qyzmeti alańynda ótken brıfıngide málim etkendeı, 30 qarashaǵa deıin sonyń 101,8 mln teńgesi ıgerilgen.

Onyń aıtýynsha, qazirgi tańda oblysishilik 9 marshrýt sýbsıdııalanýda, olar: «Taıpaq-Oral», «Jańaqala-Oral», «Qaratóbe-Oral», «Qaztalov-Oral», «Jalpaqtal-Oral», «Jánibek-Oral», «Shyńǵyrlaý-Oral», «Aqjaıyq-Oral», «Chapaev-Oral».

Marshrýttardy sýbsıdııalaý halyqtyń az qamtylǵan toptaryn (stýdentter, zeınetkerler jáne basqa) qoljetimdi jolaqymen qamtamasyz etip, áleýmettik máselelerdi sheshýge múmkindik berdi.

Sýbsıdııalanatyn baǵyttar sany (2017 jyly – 5, 2018 jyly – 6, 2019 jyly – 7) jyl saıyn ósip keledi.

Óńirde avtobýstar sondaı-aq 7 halyqaralyq (Samara, Orynbor, Tolıattı, Saratov, Býzýlýk, Qazan, Aqsaı-Orynbor), 2 oblysaralyq (Atyraý, Aqtóbe) baǵytta qatynaıdy.

Sol sekildi sýbsıdııalaý baǵdarlamasy temir jol salasynda da qoldanylýda. Áleýmettik mańyzy bar «Oral-Ozınkı», «Oral-Shyńǵyrlaý» marshrýttaryn sýbsıdııalaý úshin tasymaldaýshy «Qala mańyndaǵy tasymal» AQ-ǵa oblystyq bıýdjetten 181,7 mln teńge qaraldy.

30 qarashadaǵy málimet boıynsha, 17 297 adam tasymaldanyp, 94,7 mln teńge sýbsıdııa ıgerildi.

Eske sala keteıik, budan buryn BQO-nyń úsh aýdanynda aerodrom salynatynyn jazǵan bolatynbyz.


Joǵary qaraı