Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da 81 bala koronavırýs juqtyrǵan

2020 jyldyń 23 qarasha 2020 16:19

ORAL. QazAqparat – Batys Qazaqstan oblysynda 81 balanyń koronavırýs juqtyrǵany tirkeldi, dep habarlaıdy QazAqparat tilshisi.

Oblystyq bilim basqarmasy basshysynyń orynbasary Svetlana Temirǵalıevanyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde 72-si – mektep oqýshylary, 9-y – balabaqsha tárbıelenýshileri, ekeýi – kolledj stýdentteri.

Solardyń ishinde 24-i jazylyp shyǵyp, sabaqtaryn jalǵastyrýda. Aýyrǵandardyń basym kópshiligi – qashyqtan oqıtyndar. Az bóligi shtattyq rejımde jumys jasaıtyn mektepte bilim alady.

S.Temirǵalıevanyń sózine qaraǵanda, oblysta 379 memlekettik mektep bolsa, sonyń 251-i shtattyq, 128-i qashyqtan jumys jasaıdy.

Oqýshylar sany 111 myńnan astam bolsa, sonyń 20 paıyzy (22868) shtattyq rejımde, 48 paıyzy (53640) qashyqtan oqytylýda.

Oblysta bastaýysh synyp shákirtteriniń 57 paıyzy (34684), mektepaldy daıarlyq synyptarynyń 54 paıyzy (4286) kezekshi synyptarmen qamtylǵan.

Qashyqtan oqıtyndardyń 17959-y qaıtarymdy negizde mektepter balansyndaǵy kompıýterlermen qamtyldy. Birinshi kezekte kompıýterlermen jáne ınternetpen jetim balalar, ata-ana qamqorlyǵynsyz qalǵandar jáne erekshe bilim berý qajettilikteri bar, az qamtylǵan otbasylardan shyqqan balalar qamtamasyz etildi.

Eske sala keteıik, budan buryn Batys Qazaqstanda sanıtarlyq postar alynatynyn, Oralda túngi klýbta demalǵandar ájethanaǵa tyǵylǵanyn jazǵan bolatynbyz.





Joǵary qaraı